Séð ofan frá Steingrímsfirði í suðvesturátt yfir í Gilsfjörð.  Neðst til vinstri er bærinn Húsavík og vegurinn upp á Tröllatunguheiði beint út frá þjóðveginum, sem þar liggur hjá.  Vogurinn neðst á miðri mynd sem vegurinn liggur yfir nefnist Tungugrafarvogur.  Neðst til hægri er bærinn Hrófá við samnefnda á.  Á miðri mynd er Tröllatunguheiði og undir henni fyrir miðju bærinn Tröllatunga. Til vinstri við hana er Tungudalur og eftir honum rennur Tunguá en hægra megin Arnkötludalur og rennur Arnkötludalsá eftir honum.  Fremst í dalnum er bærinn Arnkötludalur sem kominn er í eyði.  Þar sem Tunguá og Arnkötludalsá sameinast heitir Hrófá.  Lengst til vinstri er Miðdalur og til hægri við hann Heiðabæjarheiði. Efst til hægri glittir í Reykjanes og Þorskafjörð.  Rætt hefur verið um að leggja mætti nýjan veg í Arnkötludal hægra megin við Arnkötludalsá og því komast hjá ræsa- eða brúargerð.

Ljósmynd:  Jónas Guðmundsson, ágúst 1999                                                                                                                                                               Næsta mynd (X)