Óshyrna.
Ysti hluti þess kafla vegarins þar sem hætta steðjar
að vegfarendum vegna grjórhruns. Þótt mikið
hafi verið gert til að draga úr hættu á hruni
er hún enn fyrir hendi og er þar skemmst að minnast þess
þegar mikið hrun varð á bílalest sem var að
koma frá krossinum í tilefni af 50 ára vígsluafmæli
vegarins í ágúst 2000. Sporhamar var þar
fyrir framan sem sér í vörubílinn, en hann hefur
nú að mestu verið sprengdur burt. Þar hrundi
bjarg á fólksflutningabíl árið 1950 með
þeim afleiðingum að tveir fórust og nokkrir slösuðust.
Sjá má að mikið efni hefur verið fjarlægt
úr hlíðinni meðfram veginum. Þá
hefur verið komið fyrir öryggisnetum og sér í
þau vinstra megin. Tilraunir hafa verið gerðar með
að sá lúpínu til að binda jarðveg og sést
hún á víð og dreif um hlíðina og alveg
upp í efstu klettabelti lengst til hægri.
|
