Í jarðgangaáætluninni er svohljóðandi umfjöllun um Óshlíð : . "Vegurinn um Óshlíð hefur á undanförnum 20 árum verið endurbyggður og ýmsar ráðstafanir gerðar til að auka öryggi vegfarenda vegna snjóflóða- og grjóthrunshættu.  M.a. hafa verið byggðir 3 (svo - á líklega að vera fjórir) vegskálar. Varla kemur fyrir lengur að vegurinn sén sé lokaður heilan dag, en snjómokstur og önnur vetrarþjónusta er umfangsmikil.  Meðalumferð ársins er um 670 bílar og að vetri um 450 bílar.  Á sínum tíma voru kannaðir möguleikar á gerð jarðganga til að leysa umferðarvandamál á þessari leið, og þá einkum horft til 4,2 km langra ganga milli Seljadals og Fremri-Óss í Bolungarvík.  Frá því var horfið. Öðru hvoru hafa þó aftur komið fram hugmyndir um jarðgöng til að auka umferðaröryggið enn frekar en gert hefur verið.  Ef af því yrði er líklegt að gerð yrðu þrenn göng inn í hlíðina,samtals um 4 km á lengd.  Þessi göng þyrftu vafalítið að vera tvíbreið vegna umferðarinnar,og má áætla að heildarkostnaður yrði 2- 2,5 milljarðar."

Á árinu 2002 er gert ráð fyrir að hefja gerð vegar og nýrrar brúar yfir Ósá í stað einbreiðrar brúar sem þar er nú og er gert ráð fyrir að lega hans verði nær ströndinni en nú er sjá mynd (nr. 1d ) hér að neðan. 

.Á myndunum að neðan sést Bolungarvík og nágrenni frá nokkrum sjónarhornum, m.a. með tilliti til hugsanlegrar jarðgangagerðar, svo og hlutar leiðarinnar um Óshlíð, Hnífsdal og Eyrarhlíð. 

Hér skal loks vakin athygli á skýrslu vinnuhóps Vegagerðarinar, sem gefin var út í nóvember 2002, þar sem er að finna ítarlega umfjöllun um öryggi umferðar og mögulegar úrbætur á veginum um Óshlíð og Súðavíkurhlíð. (X)