|
Hrafnseyrarheiði - jarðgöng
milli
Dýrafjarðar og
Arnarfjarðar (X) |
|
Núverandi leið milli Dýrafjarðar og Arnarfjarðar
liggur sem kunnugt er frá Þingeyri yfir Hrafnseyrarheiði
að Hrafnseyri og þaðan áfram á láglendi
inn Arnarfjörð allt að Dynjandisfossi þar sem vegurinn
upp á Dynjandisheiði
tekur við. Þótt
Hrafnseyrarheiði sjálf sé til þess að gera
stutt (milli Þingeyrar og Hrafnseyrar eru 18 km og sennilega innan
við 10 km af veginum í yfir 200 metra hæð) er hann
að jafnaði lokaður nokkra mánuði hvern vetur og
verður seint svo úr garði gerður, að halda megi
honum opnum allt árið. Til þess er heiðin of há,
brött og sneiðingar of miklir. Má hér tilfæra
lýsingu Halldórs Blöndal, fyrrverandi, isamgönguráðherra,
á heiðinnn í svari við fyrirspurn á Alþingi
um snjómokstur á leiðinni milli norðan- og sunnaverðra
Vestfjarða (X):
"Hrafnseyrarheiði og Dynjandisheiði eru mjög erfiðir fjallvegir,
bæði er um háar og snjóþungar heiðar
að ræða og vegurinn er gamall og ekki gerður til
vetrarferða. Lokið var við lögn núverandi
vegar um Hrafnseyrarheiði um miðjan fimmta áratuginn. |
|
(X)
Loftljósmynd af
hluta svæðisins
milli Dýra-
fjarðar og Arnarfjarðar
- |
Hæst er vegurinn í
552 metra hæð yfir sjó. Snjóþyngsli
eru langmest á tiltölulega stuttum kafla, 3-3,5 km frá
Þverfelli að norðan og að Þórðarhorni
að sunnan. Á þessum kafla liggur vegurinn í yfir
450 metra hæð í þröngum sneiðingi.
Snjóflóðahætta við þessar aðstæður
gerir það að verkum að vegur á þessum stað
getur aldrei orðið viðunandi vetrarleið, sama hve mikil
vinna yrði lögð í snjómokstur."
Í ljósi framangreindra
aðstæðna er það almennt álit, að eini
raunhæfi kosturinn til að tengja Dýrafjörð og
Arnarfjörð með öruggum heilsársvegi sé
gerð jarðganga. Í jarðgangaáætlun
Vegagerðarinnar, útg. í janúar 2000, bls. 21,
er lítillega fjallað um möguleg jarðgöng á
þessari leið og er í því sem hér segir
stuðst við hana. Nokkrar jarðgangaleiðir hafa verið
kannaðar, allt frá árinu 1981. Þá
hefur einna helst verið litið til ganga úr 70 m.y.s.í
Borgarfirði sem gengur inn úr Arnarfirði í sömu
hæð innst í Dýrafirði en þau yrðu
um 5,1 km á lengd. Jarðfræðilegar aðstæður
eru nokkuð góðar. Kostnaður við göng
er áætlaður 2.300 m.kr. en sparnaður við aðra
vegagerð yrði um 500 m.kr.
Árð 1999 var
unnið að frekari jarðfræðirannsóknum á
þessu svæði og könnun á aðstæðum
fyrir jarðlög. Í niðurlagi skýrslu
um þær athuganir
segir að aðstæður við firðina innanverða
séu hagstæðar ef munni jarðgana er lágt
yfir sjávarmáli (80-120 m.y.s.) og gangalengdir þá
4,5-5,2 km. aðstæður í bergi eru góðar
á íslenskan mælikvarða og má líkja
þeim við aðstæður í þeim hluta ganganna
undir Breiðadals- og Botnsheiði sem er tvíbreiður, frá
munna í Tungudal að gatnamótum. Aðstæður
utan með firðinum, undir hina eiginlegu Hrafnseyrarheiði þar
sem unnt er að gera göng sem yrðu aðeins rúmir
2 km miðað við munna í 290-360 m.y.s., eru mun verri.
Talið er að þær séu tæplega miðlungsgóðar
á
íslenskan mælikvarða, eða nokkuð hliðstæðar
því sem er í aðkomugöngum Blönduvirkjunar.
Þessi gangaleið styttir vegalengdir aðeins um 1 km.
Í áliti
starfshóps Fjórðungssambands Vestfjarða í
samgöngumálum fjórðungsins (X)
er gert ráð fyrir jarðgöngum milli Dýrafjarðar
og Arnarfjarðar í fyllingu tímans. Þar segir
að lega þeirra sé óútkljáð rannsóknarefni,
þótt starfshópurinn aðhyllist göng milli Dranga
í Dýrafirði og Rauðsstaða í Borgarfirði.
Í svari
samgönguráðherra við fyrirspurn Lilju Rafneyjar Magnúsdóttur,
á Alþingi um samgöngur á Vestfjörðum
5. nóvember 1998 er ekki gert ráð fyrir jarðgöngum
milli norðan- og sunnanverðra Vestfjarða í bráð
(X).
Loks skal bent
á hugmyndir Kristins H. Gunnarssonar, alþingismanns, um gerð
jarðganga milli Dýrafjarðar
og Arnarfjarðar þar
sem bílferja, sem sigldi til Bíldudals, kæmi fyrst
í stað í stað varanlegs vegar um
Dynjandisheiði.
Telur hann göng undir Hrafnseyrarheiði vænlegan kost í
því sambandi þótt rannsóknir verði
að skera úr um hvar best sé best að leggja þau
(X). |
|
