| Líklega
mundu fáar vegaframkvæmdir á Vestfjörðum gagnast
jafnmörgum jafnmikið og vegur frá Hólmavík
yfir í Gilsfjörð um Arnkötludal og Gautsdal.
Vegurinn stytti heilsársleiðina milli Ísafjarðar
og nágrannabæja og norðanverðra Stranda annars vegar
og suðvesturlands hins vegar um 40 km auk þess að tengja
saman Strandir og Dali, sem engin önnur leið gerir. Vegurinn
um Tröllatunguheiði, sem er á svipuðum slóðum
en liggur mun ofar, var á sínum tíma ekki byggður
fyrir annað en sumarumferð. Hann er allt í senn hlykkjóttur,
óuppbyggður, á köflum talsvert blautur og því
afar seinfarinn. Hæst nær hann í 420 metra
hæð yfir sjávarmál og lokast því fljótt
þegar fennir.
Gróf áætlun Vegagerðarinar gerir ráð fyrir að nýr vegur um Arnkötludal og Gautsdal, sem yrði um 26 km á lengd kostaði 500 m.kr. plús/mínus 20 %. Ekki er kunnugt um neinar sérstakar náttúrulegar hindranir sem gera vegagerð á þessum slóðum ófýsilega. Að vísu er af sumum talið að nokkuð snjóþungt kunni að vera á stöku stað á þessar leið einkum Gautsdalsmegin en það ætti ekki að þurfa að aftra vegarlagningu ef vandað verður til vals á vegstæði. Annars ættu myndirnar á síðunni að tala sínu máli. |
 |
| Arnkötludalur - Gautsdalur (X) |
