Ýmsir möguleikar eru á bættum vegum og styttingu leiða milli Ísafjarðar og Arngerðareyrir innst í Ísafjarðardjúpi.  Í jarðgangaáætlun er er nokkup fjallað um möguleika á göngum milli Ísafjarðar og Súðavíkur.  Segir þar m.a. "Vegur milli Ísafjarðar og Súðavíkur var opnaður 1949, eftir af fyrstu veggöng áÍslandi höfðu verið gerð, gegnum Arnardalshamar. Síðan hefur vegurinn, sem er um 15 km langur, verið endurbyggður og bundið slitlag var komið á hann allan 1990. Á þessari leið eru snjóflóð algeng að vetri til og grjóthrun á nokkrum stöðum á öðrum árstímum. Súðavíkurhlíð er afgerandi erfiðasti hluti leiðarinnar, en snjóflóð falla einnig á Kirkjubólshlíð. Á 20 ára tímabili, 1976-1995, voru skráð 1.027 snjóflóð á Súðavíkurhlíð á um 2,8 km löngum kafla, en 95 á Kirkjubólshlíð á 4 km löngum kafla. Fjöldi snjóflóða er mjög mismunandi frá ári til árs, háð snjóþyngslum og ríkjandi vindáttum. Þar sem vegir liggja í fjallshlíð má alls staðar búast við að steinar og staðbundnar skriður geti fallið á veginn. Á leiðinni milli Ísafjarðar og Súðavíkur er afgerandi hættulegasti kaflinn á Súðavíkurhlíð, einkum á sama hluta og snjóflóðin eru flest, en einnig
töluvert við Arnardalshamar.  Einkum hefur verið rætt um tvo jarðgangamöguleika til að tryggja öryggi vegfarenda og samgangna á Súðavíkurhlíð. Annars vegar er um að ræða um 3 km löng göng í hlíðinni sjálfri, þar sem farið yrði inn í bergið sitt hvoru megin
erfiðasta kaflans og göngin síðan nokkuð samhliða núverandi vegi. Þá væru enn 3 snjóflóðagil utan ganga og þyrfti þar að reikna með yfirbyggingum, auk vegskála við báða gangaenda. Hinn kosturinn er að fara með göng af Súðavíkurhlíð innan við fyrstu snjóflóðastaði í hæð við núverandi veg og yfir í Arnardal í 80-100 m y.s., þar sem kæmi nýr 4 km langur vegur til að tengjast núverandi vegakerfi. Þau göng yrðu um 2,7 km á lengd og leysa m.a. grjóthrunsvandamál við Arnardalshamar sem hin gera ekki. Þriðji kosturinn
sem litið hefur verið á eru göng úr Engidal beint yfir í Eyrardal innan Súðavíkur, en þau yrðu a.m.k. 6 km löng. Slík göng leysa bæði vandamálin á Súðavíkurhlíð og Kirkjubólshlíð, en munnastæði Súðavíkurmegin eru líklega ekki örugg vegna snjóflóðahættu. Margt bendir til að göng til Arnardals séu vænlegasti kosturinn. Áætlaður kostnaður er tæplega 1,5 milljarður. Engin fjárveiting er á vegáætlun í veginn um Súðavíkurhlíð. Lítil sem engin breyting yrði á vegalengdinni milli Ísafjarðar og Súðavíkur."

Í Hestfirði eru taldir góðir möguleikar á styttingu með brú skammt utan við þann stað þar sem núverandi vegur kemur niður af hálsinum í úr Seyðisfirði.   Mundi þá leið þar um styttast um 15 km. 
 

Í Mjóafirði og á leiðinni milli Mjóafjarðar og Ísafjarðar innst í Ísafjarðardjúpi hafa verið nefndir nokkrir möguleikar. Sá sem næst stendur er leggja fyllingu og brú yfir Hrútey utarlega í Mjóafirði og leggja veginn síðan yfir í Reykjanes og þaðan inn Ísafjörð. Loks er sá möguleiki að grafa 4,1 km löng göng úr botni Mjóafjarðar yfir í Ísafjörð.  Göng þá leið styttu leiðina um 7 km frá því sem nú er og um 15 km miðað við leiðina yfir Mjóafjörð um Hrútey.  Á vef Vegagerðarinnar er finna Drög að tillögu að matsáætlun fyrir mat á umhverfisáhrifum þar sem er að finna ýmsar upplýsingar um svæðið frá Eyrarhlíð að Hörtná í Súðavíkurhreppi.
	Kort af Mjófirði og  Ísafirði Sjá skýrslu (X)	Kort sem sýnir hug- myndir um vegstæði skv. drögum að  matsáætlun