Vegir hækka, vegir lengjast, 
vegum nýjum héruð tengjast.
Réttir ungur aðra hönd 
Ísafjörður Barðaströnd.

Þar sem Mjólká magn sitt breiðir
mönnum opnast nýjar leiðir,
yngist sál og auðgast jörð 
eftir nýja vegagjörð.

Hér er brautin byggð af snilli,
bræðravegur sýslna milli.
Stendur opin auð og greið
Ísfirðingum suðurleið.

Þeir sem luktust áður inni
aka nú í gleði sinni 
þar sem urð og eggjagrjót,
áður þreyttu sáran fót.

Hér er furðu fagur vegur
ferðamönum ævinlegur
Þar sem áður enga slóð
útigönguklaugfin tróð.

Vel sé þeim sem verkin unnu,
vegarúnir sínar kunnu, 
lyftu byggðum okkar af 
einangrunar galdrastaf.

Nú skal fagna nýjum vegi, 
nýrri sókn með hverjum degi, 
láta vesturfirði fá
frama þann sem völ er á.