Ályktanir sveitarstjórna á Vestfjörðum um samgöngumál

Forsíða - Um vefinn - Almennt - Annáll - Vegalengdir - Valkostir - Byggð - Vetrarumferð - Ferjur - Jarðgöng - Kostnaður - Afstaða - Ýmislegt - Fréttir - Stuðningur

Ályktanir sveitarstjórna á Vestfjörðum
um samgöngur í og við fjórðunginn

Sveitarfélög á Vestfjörðum

Sveitarfélög á Vestfjörðum eru þessi:

Bolungarvíkurkaupstaður	Ísafjarðarbær	Súðavíkurhreppur
Árneshreppur	Kaldrananeshreppur	Hólmavíkurhreppur
Kirkjubólshreppur	Broddaneshreppur	Bæjarhreppur
Reykhólahreppur	Vesturbyggð	Tálknafjarðarhreppur

Fjórðungssamband Vestfirðinga
er samtök sveitarfélaga á Vestfjörðum (Sjá ályktanir sambandsins)

Fjórðungssamband Vestfirðinga

Ályktun starfshóps
Fjórðungssambands
Vestfirðingaí vega-
málum fjórðungsins
frá 1997 (X)

43. Fjórðungsþing Vestfirðinga haldið í september 1998 ályktaði sem hér segir í samgöngumálum fjórðungsins:

Tillaga um flýtifjármögnun vegaframkvæmda á Vestfjörðum
- 43. Fjórðungsþing Vestfirðinga haldið í Stjórnsýsluhúsinu á Ísafirði dagana 26. og 27. september, felur stjórn Fjórðungssambandsins að halda áfram að leita leiða til að flýta fjármögnun brýnustu vegaframkvæmda á Vestfjörðum.

Greinargerð

Öllum er ljóst mikilvægi þess að brýnustu vegaframkvæmdir á Vestfjörðum þar með talið hringtengingu Vestfjarða og tengingu við þjóðveg númer 1 sé flýtt sem kostur er. Miðað við núverandi framlag til vegamála á Vestfjörðum skv. stefnumótun Fjórðungsþings í vegamálum, mun þessi vegagerð taka á annan áratug. Brýnt er vegna byggðaþróunar í fjórðungnum að leita allra mögulegra leiða til að styrkja byggðir og efla tengsl þeirra. Fjórðungsþing felur því stjórn Fjórðungssambandsins að hefja viðræður við stjórnvöld um möguleika á sérstakri fjármögnun þessara framkvæmda, s.s. með sölu ríkiseigna og ráðstöfun andvirði þeirra til vegagerðar. Ljóst er að ef hægt væri að bjóða út mjög stór verkefni í einu, s.s. stórverkefnin Flókalund-Bjarkalund og Djúpveg, myndi það draga verulega úr framkvæmda-kostnaði.

Fjórðungsþing fagnar auknu fé sem veitt var til viðhalds vega í fjórðungnum.

Samþykkt samhljóða

Tillaga um snjómokstur
-

43. Fjórðungsþing Vestfirðinga haldið í Stjórnsýsluhúsinu á Ísafirði dagana 26. og 27. september 1998, krefst þess að tekinn verði upp snjómokstur um djúp, að minnsta kosti fjóra daga vikunnar. Í dag er mokað frá Reykjavík til Hólmavíkur fjórum sinnum í viku, en um djúp þrisvar sinnum. Það er sjálfsögð réttlætiskrafa að þessi mokstur verði samræmdur með auknum snjómokstri um Djúp.

Samþykkt samhljóða

Tillaga vegna flugsamgangna milli V-Barðastrandarsýslu og Ísafjarðar
-

43. Fjórðungsþing Vestfirðinga haldið í Stjórnsýsluhúsina á Ísafirði dagana 26. og 27. september 1998, krefst þess að flugsamgöngur milli V-Barðastrandarsýslu og Ísafjarðar verði tyggðar. Milli þessara svæða er vart um aðra samgönguleið að ræða en flug, a.m.k. ekki yfir vetrarmánuðina.
Á milli þessara staða er mikil samvinnna og öruggar samgöngur því lykilatriði til að sú samvinna geti átt sér stað.
Þingið skorar á alla hlutaðeigeiandi aðila að beita sér nú þegar í því að flugsamgöngur milli þessara staða verði tryggðar.

Greinargerð

Mikilvægt er að Íslandsflug eða annar flugrekstraraðili sé styrktur til þess að halda uppi a.m.k. tveimur ferðum í viku milli Bíldudals og Ísafjarðar.
Samgöngur milli Barðastranadarsýslu og Ísafjarðarsýslu eru mjög slæmar. Að vetrarlagi eru Dynjandis- og Hrafnseyararheiðar ófærar. Þjónustu er þá ekki hægt að sækja til Ísafjarðar nema með flugi gegnum Reykjavík sem tvöfaldar kostnað og ferðatíma. Ef Ísafjörður á að vera þjónustukjarni Vestfirðinga verður að vera hægt að komast milli sveitarfélaga með einföldum hætti.

Samþykkt samhljóða

Tillaga um samgöngur milli norður- og suðurhluta Vestfjarða
-

43. Fjóðungsþing Vestfirðinga haldið í Stjórnsýsluhúsina á Ísafirði dagana 26. og 27. september 1998 samþykkir að fara þess á leit við Atvinnuþróunarfélag Vestfjarða í smar´ði við Byggðastofnun að það láti fara fram úttekt á gildi vegar milli Þingeyrar og Bíldudals.

Greinargerð

Algjört samgönguleysi milli þessara byggða að vetrarlagi hefur um árabil staðið í vegi fyrir nauðsynlegum samskiptum atvinufyrirtækja á svæðunum. Fjóðrungsþing telur að afar mikil og brýn þörf sé fyrir greiðar samgöngur þessa leið sérstaklega í fiskflutningum en einnig á öðrum sviðum, s.s. sorpflutningum.
Fjórðungsþing telur einnig nauðsynlegt að Atvinnuþróunarfélag Vestfjarða geri hagkvæmniathugun á lausnum sem til bráðabirgða gætu leyst þennan flutningavanda, uns fullnægjandi heilsársvegur hefur verið byggður.

Samþykkt samhljóða

Til baka

Upp