Forsíða - Um vefinn - Almennt - Annáll - Vegalengdir - Leiðir - Byggð - Vetrarumferð - Ár / sjór - Jarðgöng - Kostnaður - Afstaða - Ýmislegt - Fréttir - Stuðningur
Sem kunnugt er er vesturhluti Íslands mjög vogskorinn, sérstaklega Vestfjarðakjálkinn.  Eins og kortið hér til hliðar sýnir er loftlínan milli Ísfjarðar og Reykjavíkur aðeins 220 km og milli Ísafjarðar og Arngerðareyrar innst í Ísfjarðardjúpi rúmir 40 km.  Landleiðin milli Reykjavíkur og Ísafjarðar er hins vegar 440 til 530 km eftir því hvaða leið er farin.  Milli Ísafjarðar og Arngerðareyrar innst í Ísafjarðardjúpi eru hins vegar 175 km stystu leið.  Sem kunnugt er valda því hinir löngu og djúpu firðir inn úr Ísafjarðardjúpi.

Milli sunnanverðra Vestfjarða og Reykjavíkur hefur leiðin hins vegar styst um 70 km á síðasta áratug.  Því má þakka Hvalfjarðargöngum, sem stytta leið um fjörðinn um 42 km, Borgarfjarðarbrú, sem styttir leið um fjörðinn um 11 km og loks Gilsfjarðarbrú, sem styttir leið um 17 km.  Lítið er um vatnsmiklar ár sem torvelda ferð á milli Reykjavíkur og Vestfjarða.  Enn er þó of mikið um einbreiðar brýr. 
 

Hvalfjörður Borgarfjörður Gilsfjörður (X)
Vegalengdir frá Ísafirði (X)
Vegalengdir frá fjórum 
stöðum á landinu (X) 
Áður notuðust menn við ferjur til að komast eða stytta leið milli staða en nú er það að mestu liðin tíð.  Þegar Hvalfjarðargöng voru tekin í notkun á árinu 1998 hætti ferjan Akraborg, siglingum milli Reykjavíkur og Akraness.  Rekstri Djúpbátsins Fagraness, sem síðast sigldi milli Ísafjarðar og Arngerðareyrar, var hætt á árinu 1999 þar sem rekstur hans stóð ekki undir sér og flestir kusu að aka í stað þess að sigla.  Enn er rekin ferja sem siglir yfir Breiðafjörð milli Brjánslækjar og Stykkishólms þótt gera megi ráð fyrir að rekstri hennar verði hætt innan fárra ára.
Sæbjörg áður Akraborg Djúpbáturinn Fagranes Breiðafjarðarferjan Baldur
Auk ofangreindra fjarða hafa nokkrir firðir á Vestfjörðum verið þveraðir.  Þar ber helst að nefna brú og fyllingu yfir Önundarfjörð, sem stytti leið um 6 km; Dýrafjörð, sem stytti leið um 13 km og loks má nefna innsta hluta Skutulsfjarðar sem stytti leið um rúman 1 km.
Önundarfjörður  Dýrafjörður  Skutulsfjörður 
En betur má ef duga skal.  Ekki ætti að vera umtalsverðum vandkvæðum bundið að þvera Djúpafjörð, Gufufjörð og Þorskafjörð á sunnaverðum Vestfjörðum og stytta þannig vegalengdir um 16 til 23 km eftir því hvaða leið verður farin.  Sjá umfjöllun (X).  Gert er ráð fyrir vegur, þ.e. fylling og brú verði lögð yfir Mjóafjörð á næstu árum. Loks er gert ráð fyrir að Kollafjörður og fleiri firðir norðan Reykjavíkur verði þveraðir þegar Sundabraut verður lögð. 
Þorskafjörður  (X) Mjóifjörður  (X) Kollafjörður /
Sundabraut  (X)


 
Meiri spurning er hins vegar hvernig skuli farið að með firði í Ísafjarðardjúpi.  Þar eru einkum fjórir firðir, sem ávinningur gæti verið af að stytta, þ.e. Álftafjörður, Hestfjörður, Skötufjörður og ynnsti fjörðurinn Ísafjörður.  Talið er að mögulegt sé að brúa  Hestfjörð rétt utan þess staðar sem komið er úr Seyðisfirði.  Ekki er vitað til að möguleikar á að stytta leið um hina firðina hafi verið skoðaðir að gagni.  Hér að neðan er ætlunin að fjalla um nýja leið sem virðist vel þess virði að skoða, en það eru einhvers konar flotvegir eða flotbrýr.
Flotvegur á Norður-
hörðalandi í Noregi
1.246 m langur.
Sjá umfjöllun (X)		   Flotvegur í Seattle á vestur-
strönd Bandar´kjanna
Sjá umfjöllun (X)
.
Álftafjörður  (X) Hestfjörður  (X)
Skötufjörður  (X) Ísafjörður innst í 
Ísafjarðardjúpi (X)
 
 
Í aðalatriðum felst aðferðin í því að steinsteypt hylki, fyllt einhvers konar frauðplasti með miklu floti mynda undirstöðu vegarins.

Ekki ósvipuð aðferð er einnig notuð við flotbryggjur sem hérlendis er að finna á nokkrum stöðum.  Virðist vel athugandi að nota þessa aðferð í einhverri mynd við þverun fjarða.  Hylkin eru fest þétt saman og sterkar teygjur eða keðjur festu "bryggjuna" eða "veginn" við botn sjávar þannig að hæð "vegarins" er ávallt sú sama frá yfirborðinu, óháð sjávarfölllum (sjá mynd til hægri).  Hér er auðvitað aðeins um hugmynd að ræða, sem þarf að útfæra betur en sýnist þó vel mega skoða.  Aðstæður í fjörðunum inn úr Ísafjarðardjúpi eru víðast þannig að þar er sjaldnast mikil alda, aðeins vindbára; þá leggur ekki nema innarlega í botnunum.  Dýpi er verulegt en breidd fjarðana er mest um 1.200 metrar og víða minni.  Ef af styttingu af þessu tagi gæti orðið í öllum fjörðunum fjórum stytti það leiðina um Ísafjarðardjúp um allt að 80 km ! 

Myndirnar að neðan eru af flotbryggju í Reykjavík, sem gefa ætti einhverja hugmynd um það sem um ræðir. 

 
Forsíða - Um vefinn - Almennt - Annáll - Vegalengdir - Leiðir - Byggð - Vetrarumferð - Ár / sjór - Jarðgöng - Kostnaður - Afstaða  - Ýmislegt - Fréttir - Stuðningur
         Gestabók - Póstur

 

Uppfært 21.05.2002