---

---

07.09.2003  Ályktun um aðlögun ökuhraða á þjóðvegum að ástandi þeirra hlaut ekki brautargengi á Fjórðungsþingi Lagt var til að leyfður ökuhraði á vegum í fjórðungnum yrði hagað sem mest í samræmi við ástandi  þeirra og kostir þess kannaðir að hækka hann í allt að 100 km þar sem þeir eru bestir Á fjórðungsþingi Vestfirðinga, sem er samstarfsvettvangur sveitarfélaga á Vestfjörðum og haldið var í Reykjanesi við Ísafjarðardjúp dagana 5. og 6. september, var borin upp tillaga um aðlögun ökuhraða að ástandi vega á hverjum stað (1    Tillagan var svohljóðandi:  "Ályktun um ökuhraða á þjóðvegum 48. Fjórðungsþing Vestfirðinga haldið í Reykjanesi við Ísafjarðardjúp 5. og 6. september 2003 ályktar að leyfður ökuhraði á þjóðvegum í fjórðungnum verði hagað sem mest í samræmi við ástand vega á hverjum stað.  Því verði kannaðir kostir þess að leyfður ökuhraði  verði hækkaður í allt að 100 kílómetra miðað við klukkustund þar sem vegir eru bestir en á vegum sem eru í verstu ásigkomulagi verði hann lækkaður til samræmis við það sem ástand þeirra segir til um eða þeir merktir sérstaklega.  Greinargerð: Í 37. gr. umferðarlaga nr. 50/1987 er svohljóðandi ákvæði um ökuhraða : Almennar hraðatakmarkanir.  37. gr. Í þéttbýli má ökuhraði ekki vera meiri en 50 km á klst.  Utan þéttbýlis má ökuhraði ekki vera meiri en 80 km á klst., þó 90 km á klst. á vegum með bundnu slitlagi.  Ákveða má hærri hraðamörk á tilteknum vegum, þó eigi meira en 100 km á klst., ef aðstæður leyfa og æskilegt er til að greiða fyrir umferð, enda mæli veigamikil öryggissjónarmið eigi gegn því.  Ákveða má lægri hraðamörk þar sem æskilegt þykir til öryggis eða af öðrum ástæðum.   Vel er kunnugt hvílíkum stakkaskiptum vegakerfið á Vestfjörðum er að taka þessi misserin.  Vegir laðgir bundnu tvíbreiðu slitlagi lengjast á hvert.  Hins vegar er umferð um vegina tiltölulega mjög lítil.   Svo dæmi sé tekið af Steingrímsfjarðarheiði er umferð þar  nálægt 100 ökutæki á dag yfir árið (50 í hvora átt) og þar af talsverður hluti hennar yfir sumarið. Æ fleiri eru að verða óvanir akstri á malarvegum og í raun athugunarefni að ekki skuli muna nema 10 km á hámarkshraða á lélegum og varasömum malarvegum og vegum lögðu einbreiðu slitlagi  annars vegar og hins vegar nýjum vegum, beinum og breiðum, lögðum samkvæmt ýtrustu kröfum.  Mjög líklegt verður að teljast að stór hluti heimamanna sem ekur á milli Vestfjarða og Suðvesturlands aki á um eða yfir 100 km hraða þar sem vegir og aðstæður eru best.  Ökutæki verða sífelt betri og öruggari.  Kröfur eru að aukast um greiðari samgöngur og flytjanleika samgöngukerfisins.  Á móti koma auknar kröfur um öryggi umferðarinnar.  Gildandi reglur um ökuhraða virðast ekki að öllu leyti í samræmi við þennan veruleika og því spurning hvort ekki sé rétt að huga að breytingum.    Yfirlit um gögn: 1)  Hvað er hönnunarhraði vega ? Svar við fyrirspurn á vef Línuhönunnar. (X) 2)  Tafla yfir tíma sem tekur að aka tiltekna vegalengd eftir því á hvaða hraða er ekið. (X) 3)  Grein :  Minnka þarf umferðarhraða og bæta vegina eftir Rögnvald Jónsson (er í gagnasafni Morgunblaðsins) 4)  “Slysafréttir vikunnar” úr Ísafjarðardjúpi (X-X) 5)  Rauntímaupplýsingar um hraða úr umferðargreinum Vegagerðarinnar (X) 6)  Niðurstaða skoðanakönnunar Vegar, áhugmannafélags (innsk. m.a. um ökuhraða) (X)  7)  Látnir í umfeðrarslysum á Vestfjörðum 1968 til 2003.(X) 8)  Umferð á Steingrímsfjarðarheiði 2002 (X) 9)  Þróun ökuhraða 1990-2002 (X)    Framsögumaður :  Jónas  Guðmundsson Óskast vísað til Allsherjarnefndar -------------------------------------------------------------------------------------- Talsverðar umræður spunnust um tillöguna og sýndist sitt hverjum.  Það voru hins vegar fulltrúar úr hópi Ísafjarðarbæjar sem töldu að tillaga sem þessi ætti ekki heima á Fjórðungsþingi og settu m.a. fram hugmyndir um frávísun hennar.  Ekki kom þó til þess. heldur urðu lyktir málsins að samþykkt var að vísa tillögunni til stjórnar fjórðungssambandsins.  Þótt ósagt skuli látið um hverja meðferð þetta mál fær þar telst fremur ólíklegt að því verði fylgt þar eftir af  miklum þunga.   (1  Rétt er að fram komi að flytjandi tillögunar er sá sami og ritar þessa frétt og heldur úti þessum vef.           Engin fréttavinnsla frá febrúar til 5. september 2003       bb.is | 27.02.03  Milljarðinum varið í samræmi við stefnumótun sveitarfélaga  Þingmenn Vestfirðinga hafa komið sér saman í megindráttum um tillögur að skiptingu milljarðsins sem veitt verður aukalega til vegaframkvæmda á Vestfjörðum. „Í meginatriðum fylgja menn þeirri stefnumótun sem sveitarfélögin á Vestfjörðum hafa samþykkt. Áherslan á næstu árum er annars vegar að ljúka við Djúpveg og hins vegar er tenging Vestur-Barðastrandarsýslu við Þjóðveg eitt. Þessi milljarður breytir gríðarlega miklu og það er ætlast til að hann verði nýttur á næstu átján mánuðum“, segir Einar Kristinn Guðfinnsson, fyrsti þingmaður Vestfirðinga. „Fyrir liggur að hægt verður að bjóða út og ljúka á þessum tíma veginum um Skötufjörð og Hestfjörð að bundna slitlagskaflanum sem þar er. Eins er ætlunin að endurnýja slitlagið á Sjötúnahlíð í Álftafirði. Að þessum framkvæmdum loknum verður komið bundið slitlag frá Bolungarvík og inn í miðjan Mjóafjörð“, segir Einar Kristinn. „Varðandi stóru spurninguna um vegtengingu inn á aðalþjóðvegakerfi landsins er af tæknilegum ástæðum ekki hægt að taka ákvörðun á þessari stundu“, segir Einar. „Vegagerðin taldi sig ekki hafa nægar upplýsingar í höndunum til að leggja þar til grundvallar. Innan 12 mánaða verður sú ákvörðun tekin og þá í ljósi annarra ákvarðana eins og varðandi jarðgöng milli Arnarfjarðar og Dýrafjarðar. Ákveðið er að ljúka uppbyggingu á Hvalsárhöfða í Kollafirði í Strandasýslu sem er mjög dýr framkvæmd. Þá verður haldið áfram inn Kollafjörðinn og inn að svokölluðum Forvaða og tengjast þar með bundna slitlaginu. Í Austur-Barðastrandarsýslu standa yfir framkvæmdir á Klettshálsi en ætlunin er að ljúka þeim fyrr en ætlað var eða á þessu ári í stað þess næsta. Síðan verður lagður vegur áleiðis út með Kollafirði. Ennfremur er ætlunin að leggja veg í hina áttina um Vattarfjörð og að eiðinu milli Vattarfjarðar og Kerlingarfjarðar. Síðan verður farið í veginn um Ódrjúgsháls sem liggur ofan í Djúpafjörðinn og er einn allra versti farartálminn á þessari leið. Þar er afar bratt og þarf þar oft að setja keðjur á flutningabíla þó ekki sé nema í vætutíð.“ Einar Kristinn segir að ekki sé búið að taka frekari ákvarðanir um framkvæmdir. „Sjálfur hef ég áhuga á að farið verði í veginn um Skálanes milli Kollafjarðar og Gufufjarðar.“ Þingmaðurinn minnir á, að milljarðurinn umræddi er aðeins hluti af því fé sem fer til uppbyggingar vega á Vestfjörðum. „Að auki höfum við til ráðstöfunar fé af vegáætlun. Auk þessa milljarðs á næstu átján mánuðum fara þannig um 1,2 milljarðar til vegaframkvæmda á Vestfjörðum á þessu ári. Þannig er gert ráð fyrir framkvæmdum á Óshlíð og Súðavíkurhlíð til að auka öryggi vegfarenda, í framhaldi af skýrslu Vegagerðarinnar um öryggismál á þessum vegum. Verulegt átak verður gert í veginum um Selströnd út að Drangsnesi en þar vantar slitlag. Í svokallaða ferðamannavegi er langmest lagt í veginn frá Bjarnarfirði um Bala og áleiðis norður í Kaldbaksvík. Fyrir Ísfirðinga má þess geta að vegurinn inn í Tunguskóg verður kláraður“, segir Einar K. Guðfinnsson, fyrsti þingmaður Vestfirðinga.  17. febrúar 2003  Öll tilboð yfir kostnaðaráætlun   Tilboð opnuð í  jarðgöng milli Fáskrúðs- og Reyðarfjarðar   Verktakafyrirtækin Ístaki og E. Pihl & Sön reyndust eiga lægsta tilboðið í gerð jarðganga milli Reyðarfjarðar og Fáskrúðsfjarðar ásamt tilheyrandi vegamannvirkjum.  Fern tilboð bárust í gerð jarðgangnanna en næstlægsta boð átti breska fyrirtækið Balfour Beatty en það nam 3.869 milljónum. Sænski verktakinn  NCC International og Íslenskir aðalverktakar buðu 3.909 milljónir og hæsta boð kom frá Scandinavian Rock Group og Arnarfelli ehf. en það var upp á 4.711 milljónir. Samkvæmt upplýsingum Vegagerðarinnar ætti að vera hægt að ljúka samningagerð á næstu fjórum vikum þannig að verktakinn geti hafið framkvæmdir í apríl.  Fáskrúðsfjarðargöngin verða 5,9 km löng að vegskálum meðtöldum.  Bjóðandi Tilboðsfjárhæð Hlutfall af kostnaðaráætlun 4 Scandinavian Rock Group AS, Arnarfell ehf.  4.710.801.593 kr. 149,1% 3 NCC AS, ÍAV hf. -   3.908.975.357 kr. 123,7% 2 Balfour Beatty Major Projects  -  3.869.131.646 kr. 122,4% 1 Ístak hf. E.Pihl & Sön AS  -  3.248.761.319 kr. 102,8% Áætlaður verktakakostnaður  3.160.000.000 kr.  100,0% Gert er ráð fyrir að það taki upp undir eitt  og hálft ár að grafa í gegnum fjallið en samkvæmt áætlun er gert ráð fyrir að framkvæmdum ljúki haustið 2005.  Auk gangagerðar þarf verktakinn að leggja alls 8,5 km langa nýja vegi að gangamunnum sitt hvorum megin.  Loftmynd af vefsíðu Hönnunar ehf.  honnun.is

27.  janúar 2003 Enn eykst umferð um Strandir verulega milli ára  - Lítilsháttar fækkun fugfarþega  Samkvæmt upplýsingum frá Vegagerðinni fjölgaði þeim sem óku yfir teljara hennar um Strandir í grennd við Ennisháls um 8.800 eða um 20 % milli áranna 2001 og 2002.  Árið 2001 fóru þar um 43.800 ökutæki en 52.600 ökutæki á árinu 2002.  Árið 2000 fóru þar um um 38.000 ökutæki sem er svipaður fjöldi og árin á undan.  Á árinu 2001 mældi Vegagerðin umferð um Tröllatunguheiði og Þorskafjarðarheiði um þriggja mánaða skeið, en af einhverjum ástæðum fóru engar talningar fram á liðnu ári.  Meðan ferðum um Strandir fjölgar jafn mikið og raun ber vitni fækkaði farþegum í flugi til og frá Ísafirði um rúmlega 1.400 milli áranna 2001 og 2002 samkvæmt upplýsingum Flugmála- stjórnar.

Umferð um Ennisháls á Ströndum 1997 til 2002 (X) Flugfarþegar milli Ísafjarðar / Reykjavíkur /  Ísafjarðar 1994 til 2002 (X)

Lögð hefur verið fram á Alþingi þingsályktun um samgönguáætlun fyrir tímabilið 2003 til 2014.  Áætlunin, ef samþykkt verður, kemur í stað langtímaáætlunar í vegagerð frá 1998 en  þessari áætlun er ætlað að taka til allra þátta samgangna þ.e. flug-, sjó- og landsamgangna.  Þar kennir nokkurra nýmæla.  M.a. er meira lagt upp úr greiðari samgöngum en verið hefur eða því sem nefnt er flytjanleiki samgöngukerfisins.  Einnig er gert ráð fyrir því að leitað verði leiða til þess að nýta kosti markaðsaflanna  við uppbyggingu og rekstur samgöngukerfisins.  Það sem hins vegar veldur vonbrigðum er hversu litlum fjármunum varið skal til samgöngubóta á Vestfjörðum á næstu árum eða sem hér segir :

Þingsálykun þessi liggur nú fyrir Alþingi og á eftir að fá þar umfjöllun ( sjá hér ). 

Kleifaheiði formlega opnuð í dag 
Sturla Böðvarsson, samgönguráðherra, opnaði formlega Kleifaheiði í dag. Rúm 50 ár eru frá því að bílfært var yfir Kleifaheiði. Með þessu er lokið við að leggja slitlag úr þéttbýlisstöðunum í Vestur-Barðastrandasýslu, austur í Vatnsfjörð.  Heildarlengd kaflans frá Haukabergsá á Barðstarönd að vegamótum Örlygshafnarvegar í botni Patreksfjarðar er 12,1 km. Um það bil helming leiðarinnar Patreksfjarðarmegin er vegurinn á sama stað og gamli vegurinn en Barðastrandarmegin liggur hann á nýjum stað upp Mikladal.  Áætlaður heildarkostnaður við verkið er 300 milljónir króna.

Sjá einnig á vefnum Patreksfjörður.is

• Gert átak í því að fækka einbreiðum brúm á umferðarþyngsu vegum.
• Gert átak í því að tvöfalda einreitt slitlag ávegum.
• Gert átak í því að setja vegrið þar sem slysahætta er mikil.
• Gert átka í því að auka fjármagn til girðinga meðfram þjjóvegum sem er afar brýnt vegna umferðaröryggis.
• Gert átak í að auka fjármagn til uppbyggingar og viðhalds tengivega, safnvega og styrkvega á Vestfjörðum.

"Í vegagerð hér á Vestfjörðum er af mörgu að taka. Ég vil skýra afstöðu mína hér á eftir:
Að sjálfsögðu er ég reiðubúinn til þess að hlusta á rök þeirra sem hafa aðrar tillögur, enda verður að ná víðtæku samkomulagi milli þingmanna í nýju kjördæmi og sveitarstjórnarmanna.

1. Verður að leggja ríka áherslu á vetrarþjónustu á vegum og flugvöllum og taka mið af sérstöðu byggða Vestfjarða sem liggja svo fjarri hringvegi og megin byggðakjörnum sunnan og norðanlands. Snjómokstursreglur taka tillit til þess í auknum mæli m.a. vegna aukinna     landflutninga.
2. Samgönguáætlun geri ráð fyrir sem forgangsverkefni uppbyggingu vega með bundnu slitlagi um Djúpið og um Barðaströnd svo byggðir sunnan og norðan tengist hringvegi á bundnu slitlagi með vegi sem halda má opnum alla daga.
 3. Samgönguáætlun geri því næst ráð fyrir styttingu leiða með fjarðaþverunum þar sem það á við.
4. Ná þarf víðtæku samkomulagi um hvaða leið verði valin til tengingar Djúps og Stranda við Dali. 
5. Samgönguáætlun geri ráð fyrir endurbótum á vegi um Óshlíð og Súðavíkurhlíð í samræmi við þær tillögur sem eru í smíðum hjá starfshópi sem var skipaður að minni ósk.
 6. Jarðgöng milli Arnarfjarðar og Dýrafjarðar verði á áætlun næst á eftir Reyðarfjarðar- og Siglufjarðargöngum í samræmi við jarðgangaáætlun sem var samþykkt á Alþingi.
 7. Á meðan vegur um Barðaströnd er byggður upp verði Breiðafjarðarferjan rekin og þjónusta hennar miðuð við það sem byggðirnar og atvinnulífið þarfnast. Þegar heilsársvegasamgöngum er náð við Vesturbyggðina verði rekstur ferjunnar stokkaður upp. Rekstur ferjunnar er nú til sérstakrar skoðunar hjá nefnd sem ég skipaði til þess að meta þörfina fyrir ferjurekstur á Breiðafirði í þágu eyjanna og ferðaþjónustu á Vestfjörðum.
Ágætu fundarmenn.
Samgöngur eru lykill að framþróun byggðanna. Það á að vera sameiginlegt verkefni okkar að kalla eftir auknum fjármunum til þess að byggja eins hratt upp samgöngukerfi landsins sem nokkur kostur er. Það er þjóðhagslega hagkvæmt og eykur öryggi vegfarenda og lækkar
kostnað í nær öllum rekstri.  Það er von mín að við megum eiga samleið við það verkefni og okkur auðnist að ná um það samkomulagi við þingmenn annarra kjördæma um skiptingu fjárveitingu til verkefna í vegagerð svo til hagsbóta verði fyrir Vestfirðinga og þann vaxandi fjöld ferðamanna sem fer um Vestfirði.

Farþegum í innanlandsflugi Flugfélags Íslands fækkaði í aprílmánuði 2002 um 18,5%, úr 26.036 farþegum í fyrra í 21.228 í ár.    Ekki liggja fyrir upplýsingar um breytingar á farþegafjölda til Ísafjarðar, en þeim fækkaði um 12.000 milli áranna 2000 og 2001.  Er hætt við að verulega dragi úr flugi í núverandi mynd til Ísafjarðar ef farþegum fer ekki að fjölga aftur fljótlega.
	Fjöldi  farþega um Ísafjarðarflugvöll 1994 til 2001 (X)

18. janúar 2002
Ekki næturflug til Ísafjarðar í bráð ?
Textavarp.is/ruvis
Skýrsla sérfræðinga um næturflug

Bæjarstjóra og formanni bæjarráðs Ísafjarðarbæjar hafa verið kynntar niðurstöður skýrslu sem unnin var um næturflug til Ísafjarðar. Samkvæmt henni er það ekki talið áhættunnar virði að fljúga til Ísafjarðar að nóttu miðað við þær forsendur sem upp er lagt með í skýrslunni. Metnir eru 37 áhættuþættir. 21 þeirra var metinn of áhættusamur og aðrir 8 taldir á mörkum þess sem talið er þolanlegt.  Höfuðmarkmið af hálfu Flugmálastjórnar var að næturflugið skuli ekki vera talið áhættumeira en aðflug að degi til. Skýrsluhöfundar telja því marki ekki náð sérstaklega vegna staðsetningar og umhverfis vallarins.

Hlutafélag sem hefur það að markmiði að beita sér fyrir hraðari samgöngubótum á landi en gert er ráð fyrir í gildandi áætlunum verður stofnað í Bolungarvík 1. desember 2001.  Markmiði sínu hyggst félagið ná með svonefndri einkafjármögnun enda komi fyrir veggjald í einhverri mynd frá þeim sem leið eiga um.  Víða á Vestfjörðum og reyndar landinu öllu virðist þessi aðferð vel geta komið til greina til að flýta nauðsynlegum samgönguframkvæmdum og þar með treysta byggð. Öllum sem áhuga hafa er gefinn kostur á að gerast hluthafar og stofnfélagar með því annað hvort að hafa samband við Sparisjóð Vestfirðinga (X) eðs skrá sig á netinu á slóðinni www.leid.is þar sem jafnramt er að finna frekari upplýsingar.  Aðalhvatamaður að stofnun félagsins er Jónas Guðmundsson, sem jafnframt því að vera ábyrgðarmaður þessa vefjar er sýslumaður í Bolungarvík.

Formaður stjórnar Fjórðungssambands Vestfirðinga, Ólafur Kristjánsson bæjarstjóri í Bolungarvík, var mjög ánægður með þingið í dag. „Ég man ekki eftir eins málefnalegu Fjórðungsþingi. Sumar áherslur einstakra sveitarfélaga í fjórðungnum falla kannski ekki alveg saman en allar sveitarstjórnirnar eru staðráðnar í því að vinna áfram í samræmi við stefnumótun Fjórðungssambandsins í vegamálum frá 1997. Ég fann að menn vilja ná samstöðu um þessi mál og gefa þannig þingmönnum okkar Vestfirðinga sterkt vopn í hendur til að bæta samgöngur á Vestfjörðum.“ 

Í könnun sem Vegur, áhugamannafélag stóð fyrir fimmtudaginn 16. og föstudaginn 17. ágúst sl. á mótum vega um Steimgrímsfjarðarheiði og Þorskafjarðarheiði er að finna ýmsar upplýsingar um ferðir ökutækja og viðhorf ökumanna.  Verkfræðifyrirtækið Línuhönnun hefur nú unnið nokkrar upplýsingar úr könnuninni og gert um hana stutta skýrslu, sem finna má hér. Þar kemur m.a. fram að mikill meirihluti ökumanna eru karlkyns eða 84 % og að í 42 % tilfella voru tveir eða fleiri í bíl.  Meirihluti vegfarenda, 55%, var að koma frá norðanverðum Vestfjörðum, tæpur þriðjungur var að koma Suðvesturlandi.  Ferð nærri 45% vegfarenda var heitið til norðanverðra Vestfjarða, en þriðjungur vegfarenda var á leið til Suðvesturlands.  Mikill meirihluti vegfarenda eða 86% vildi að hámarkshraði væri 90 km/klst eða jafnvel meiri. Tæp (30 %) þrjátíu prósent vildu hafa hámarkshraðann í 100 km/klst eða hærri. Fimmtán manns, eða 3.5% vildu hækka hámarkshraðann í 110 km/klst. Því er ljóst að fylgni við hækkun hámarkshraða er mikil. Góður meirihluti var mjög eða frekar hlynntur því að taka upp vegatolla til að flýta fyrir vegaframkvæmdum.

Frá umferðarkönnuninni 17. ágúst sl. Á þessum hlekk er að finna frekari upplýsingar um  það sem skráð var og hvers var spurt auk þess sem  svörin voru færð í excelskjal  sem nálgast má hér. .............................................. .................................................

Samgöngunefnd Ísafjarðarbæjar mælir með því að öllum nýframkvæmdum í vegamálum á Vestfjörðum verði flýtt um tvö ár í ljósi aukinna krafna um bættar samgöngur. Einnig leggur nefndin til að Reykjafjörður í Djúpi verði þveraður. Hún vill að áætluðum framkvæmdum við veginn í Hestfirði verði frestað en þess í stað verði strax ráðist í þverun Mjóafjarðar. Nefndin vill að framkvæmdir við jarðgöng á leiðinni milli Dýrafjarðar og Barðastrandar hefjist innan þriggja ára en jarðgangagerð milli Engidals í Skutulsfirði og Álftafjarðar verði hafin eftir fimm ár.
júlí 2001 (Sjá nánar á vef BB hér)

Uppi eru hugmyndir frá verktakanum Arnarfelli um að framkvæmdum í Bröttubrekku norðanverðri verði flýtt og vegurinn opnaður fyrir vetrarumferð. Að sögn Magnúsar Vals Jóhannssonar, umdæmisstjóra Vegagerðarinnar á Vesturlandi, er einungis um hugmynd að ræða frá verktakanum en ákvörðun um hvort af flýtingu framkvæmdanna verður mun liggja fyrir í lok júlímánaðar. 

Segir Magnús að ef af flýtingunni verði muni það hafa mikil áhrif á umferð upp brekkuna að norðanverðu og til hagræðis fyrir ökumenn. Þeir myndu þá sleppa við töluverðan halla og beygjur auk þess sem hin nýja leið sé mun snjóléttari.
Ef af hugmyndunum verður, mun ekki vera talað um að lagt verði bundið slitlag á veginn heldur einungis að hann verði gerður akstursfær. Áætlað er að almennar framkvæmdir við Bröttubrekku, við hina nýju vegagerð, muni standa yfir í þrjú ár. 

Ef ekki kemur til flýtingar framkvæmdanna í brekkunni norðanverðri er áætlað að sá áfangi verði opnaður að ári og þá fullbúinn með slitlagi.

Verkfræðistofan Línuhönnun hf. (X) hefur lokið gerð skýrslu fyrir Veg, áhugamannafélag um arðsemi vegar milli Hólmavíkur og Gilsfjörð um Arnkötludal og Gautsdal.  Þar er metin svonefnd þjóðhagsleg arðsemi við lagningu vegar þessa leið.  Niðurstöðum er skipt í fernt eftir ólíkum forsendum :  Ávallt er gert ráð fyrir 6% reiknivöxtum.  Þá er miðað við að umferð verði í upphafi nokkurn vegin sú sama og nú ekur um Ennisháls samkvæmt teljara Vegagerðarinnar eða um 40.000 bílar á ári nema annars sé getið.  Loks er miðað við að kostnaður við lagningu vegarins verði um 525 m.kr. Eru niðurstöður sem hér segir :   Forsendur: Arðsemi 1. Veginn æku 40.000 bílar á ári sem þó fjölgaði smám saman  10,9% 2. Veginn ækju 30.000 bílar sem fjölgaði ekki eftir því sem árin liðu   7,6 % 3. Sama umferð og í lið 1 en öll umferð æki Þorskafjarðarheiði 4 mán á ári    5,1 % 4. Veginn ækju 40.000 bílar á ári eins og í lið 1 en vegtollur innheimtur 17,8 % Skýrsluna í heild má finna hér : Í lok skýrslunnar segir:  " Hafa ber í huga að forsendur eru hófsamar og öruggu megin.  Það hlýtur að vera vandfundin arðsamari framkvæmd á Vestfjörðum."

Svæðið milli Hólmavíkur og Gilsfjarðar (X)

Minnt er á vef um veglagninguna hér: 

Þriðjudagskvöldið 24. apríl var haldinn kynningarfundur á Hótel Borgarnesi þar sem fjallað var um skýrslu sem ber heitið Þjóðvegur 1 um Borgarnes - samanburður valkosta.  Skýrslan var unnin af Borgarnesnefnd sem er samstarfsnefnd bæjarstjórnar Borgarbyggðar og Vegagerðarinnar um athugun helstu valkosta á framtíðarlegu Þjóðvegar eitt um Borgarnes. Fundurinn var mjög vel sóttur og áhugi bæjarbúa á málefninu auðsjáanlegur. Fjallað var um helstu kosti og galla þess að hafa veginn þar sem hann er annars vegar og að flytja hann út úr bænum og niður að sjó austan bið byggðina hins vegar. Sjá skýrsluna á vef Borgarbyggðar (X) og á Adobe Acrobat skjali - hér.

Til vinstri vegurinn þar sem hann liggur um  Brúartorg og inn á Borgarfjarðarbrú.

Þess er loks að geta, að leitast verður við á þessum vettvangi að greina frá  öllu því helsta sem gerast mun varðandi framgang hugmyndarinnar.

Nú hefur fraktskip viðkomu á Ísafirði aðeins einu sinni viku. Það er á laugardögum þegar skip kemur við á leiðinni norður og austur um land og þaðan suður til Reykjavíkur. Hins vegar er engin ferð frá Ísafirði suður um til Reykjavíkur. Þetta er mjög bagalegt að ýmsu leyti, ekki síst fyrir útflutning á ferskum fiski. Þeir sem vilja landa ferskum afla í gáma á Ísafirði þurfa að borga aukalega fyrir flutning landleiðina til Reykjavíkur ef þeir eiga að vera samkeppnisfærir við aðra útflytjendur á ferskfiskmörkuðum.

Tekjur Ísafjarðarhafnar minnka einnig verulega vegna minni umskipunar á vörum annars staðar frá og minni notkunar hafnarmannvirkja. Í bókun á síðasta fundi Hafnarstjórnar Ísafjarðarbæjar er lýst áhyggjum yfir þessu ástandi. 

A.  Með steyptum stokki á Bjarnadalsá
Helstu magntölur: fyllingar 316.000 m3, bergskeringar 193.000 m3, fláafleygar 130.000 m3, neðra burðarlag 50.000 m3, efnisvinnsla 73.000 m3, efra burðarlag 22.000 m3, tvöföld klæðing 72.000 m2, skurðir 450 m, vegrið 3.000 m,  ræsalögn 980
m, grjótkassar 290 m2, frágangur fláa 203.000 m2. Steinsteyptur stokkur (bogaræsi) á Bjarnadalsá ? steinsteypa 525 m3, járnalögn 36 tonn.

B. Án steypts stokks á Bjarnadalsá
Helstu magntölur: fyllingar 276.000 m3,
bergskeringar 193.000 m3, fláafleygar 130.000 m3, neðra burðarlag 50.000 m3, efnisvinnsla 73.000 m3, efra burðarlag 22.000 m3, tvöföld klæðing 72.000 m2, skurðir 450 m, vegrið 3.000 m, ræsalögn 980 m, frágangur fláa 203.000 m2.
Verkinu skal að fullu lokið 1. september 2003.

Bjóðandi                                          Tilboðsupphæð       Hlutfall af        Frávik frá lægsta tilboði
                                                                                        kostn.áætlun
Tilhögun A
Jörvi hf., Hvanneyri                             452.816.500          105,8          121.919
Klæðning ehf., Garðabæ                    435.706.000          101,8          104.809
Kostnaðaráætlun Vg.                          428.012.000          100,0            97.115
Ístak hf., Reykjavík                               408.906.534            95,5            78.009
Norðurtak ehf., Sauðárkróki                 397.452.500            92,9            66.555
Borgarverk ehf., Borgarnesi                 389.900.000            91,1            59.003
Vöruflutningar L.G. ehf., Borgarnesi   353.415.300            82,6            22.518
Héraðsverk ehf., Egilsstöðum              342.299.086            80,0            11.402
Ingileifur Jónsson ehf., Reykjavík        337.018.700            78,7              6.122
Suðurverk hf., Reykjavík                      336.516.200            78,6              5.619
Fjörður sf., Sauðárkróki                        334.374.350           78,1              3.477
Hjarðarnesbræður ehf., Hornafirði       333.333.333           77,9              2.436
Arnarfell ehf., Akureyri                         330.897.200          77,3                     0

Tilhögun B
Jörvi hf., Hvanneyri                            419.696.000          110,0          130.970
Ístak hf., Reykjavík                              385.728.263          101,1            97.003
Klæðning ehf., Garðabæ                   381.890.000          100,1            93.164
Kostnaðaráætlun Vg.                         381.592.000          100,0            92.866
Norðurtak ehf., Sauðárkróki                366.692.500            96,1            77.967
Borgarverk ehf., Borgarnesi                352.800.000            92,5            64.074
Vöruflutningar L.G. ehf., Borgarnesi   315.138.000           82,6            26.412
Fjörður sf., Sauðárkróki                       303.842.500            79,6           15.117
Hjarðarnesbræður ehf., Hornafirði       302.327.122           79,2            13.602
Ingileifur Jónsson ehf.                        300.419.000           78,7            11.694
Héraðsverk ehf., Egilsstöðum              298.105.416           78,1              9.380
Suðurverk hf., Reykjavík                      291.587.000           76,4              2.862
Arnarfell ehf., Akureyri                        288.725.500           75,7                    0

Framkvæmdafréttir Vegagerðarinnar 2. október 2000
Djúpvegur (61), brýr á Múlaá og Ísafjarðará  00-092
Tilboð opnuð 6. nóvember 2000.  Vestfjarðaumdæmi. Bygging brúa yfir Múlaá og Ísafjarðará á Djúpvegi (61) í Ísafirði.
Um er að ræða tvær steyptar plötubrýr í tveim höfum með 7,5 m breiðri akbraut og 0,5 m breiðum bríkum beggja vegna. 
Lengd brúar á Múlá er 30 m en 32 m á Ísafjarðará.
Helstu magntölur: Múlaá : gröftur 400 m3, grjótvörn 300 m3, mótafletir 1.024 m2, steypustyrktarjárn
24.000 kg og steypa 402 m3.
Ísafjarðará : gröftur 400 m3, grjótvörn 300 m3, mótafletir 800 m2, steypustyrktarjárn 24.000 kg og steypa 340 m3.
Verki við Múlaá skal að fullu lokið fyrir 30. júní 2001. Verki við Ísafjarðará skal að fullu lokið fyrir 15. september 2001.

Bjóðandi                                              Tilboðsupphæð       hlutfall af kostnaðaráætlun         Frávik frá lægsta tilboði

Fréttavefurinn 31. október 2000 (vísir.is/rúv -Suðurland) 
Svifnökkvi milli lands og Eyja ?
Hópur athafnamanna í Vestmannaeyjum hyggst gera tilraunir með rekstur hraðskeiðs svifnökkva á milli Eyja og Bakkafjöru á Landeyjarsandi. Viðræður standa yfir um leigu á svifnökkva sem gæti gengið milli lands og Eyja á klukkustundafresti þar sem ferðin tekur einungis 10 - 20 mínútur. Hópurinn ætlar að taka svifnökkva á leigu í tilraunaskyni og hefja ferðir milli lands og Eyja upp úr áramótum. 

Mbl.is 13. október 2000
Hægt verður að greiða í bílastæði með GSM-síma
Fyrirtækið Góðar Lausnir hefur búið til greiðslukerfi sem gerir fólki kleift að greiða bílastæðagjöld og veita aðgang að bílastæðahúsum með GSM-síma. Kerfið, sem gengur undir nafninu Mobile Parking og er til sýnis á þekkingarsýningunni Agora í Laugardalshöll, er búið að vera í þróun hjá fyrirtækinu í eitt og hálft ár. Gert er ráð fyrir að það verði reynt fljótlega á öllum bílastæðum á Akureyri. 

BB 13. október 2000
Vinnuhópur á að skoða öryggismál á Óshlíð og Súðavíkurhlíð 
Samgönguráðherra, Sturla Böðvarsson, hefur í samráði við Vegagerðina, ákveðið að setja á laggirnar sérstakan vinnuhóp sem skoða á í einum pakka, Óshlíð og Súðavíkurhlíð, með tilliti til nauðsynlegra úrbóta. Hópnum er ætlað að kanna ítarlega öryggismál á þessari leið með tilliti til snjóflóðahættu, grjóthruns og skoða aðrar nauðsynlegar öryggisráðstafanir. 

Vegur.is  5. október 2000
Tillaga til þingsályktunar lögð fram á Alþingi
Könnun hagkvæmni jarðganga og þverunar fjarða
- Flutningsmaður: Guðjón A. Kristjánsson, 4. þingmaður Vestfjarða.
Tillagan er svohljóðandi:  "Alþingi ályktar að fela samgönguráðherra að láta kanna hagkvæmni þess að gera jarðgöng úr botni Ísafjarðar, innst í Ísafjarðardjúpi, undir Kollafjarðarheiði. Að sunnanverðu, á Barðaströnd, yrðu þau tveggja arma og kæmu annars vegar út í Skálmardal, sem gengur inn úr Skálmarfirði, og hins vegar í Fjarðarhornsdal, innst í Kollafirði. Einnig verði könnuð 
hagkvæmni þess að gera jarðgöng undir Eyrarfjall, sem gengju úr Mjóafirði í Ísafjarðardjúpi yfir í Ísafjarðarbotn, og að þvera Þorskafjörð, Djúpafjörð og Gufufjörð á Barðaströnd."

Vegur.is 3. október 2000
Ályktað um veg á milli Steingrímsfjarðar og Króksfjarðar
- Hreppsnefnd Hólmavíkurhreppshefur ályktaði á fundi sínum 2. október um vegamál sem hér segir :
Hreppsnefnd Hólmavíkurhrepps hvetur til að hafist verði handa hið fyrsta við gerð heilsársvegar á milli Steingrímsfjarðar og Króksfjarðar um Arnkötludal og Gautsdal. 

Greinargerð:  Vegasamgöngur um Arnkötludal og Gautsdal yrði Strandasvæðinu og Reykhólahreppi mikill styrkur. Helstu rök með lagningu vegarins eru, í fyrsta lagi mun vegurinn tengja saman tvö atvinnusvæði þ.e. Reykhóla- og Steingrímsfjarðarsvæði, auk þess sem hringtenging um Vestfirði verður til. Í öðru lagi styttir þessi vegur leiðina Ísafjörður- Reykjavík um allt að 40 km. Fjallvegurinn yrði stuttur og fremur lágur t.d eru um það bil 2,7 km. yfir 300 m. hæð.

Framkvæmdafréttir Vegagerðarinnar 2. október 2000
62,7% af kostnaðaráætlun eða 43 m.kr. 
Norðausturvegur ( 85 ), Hringvegur - Brunahvammsháls  00-019
Tilboð opnuð  2. október 2000. Austurlandsumdæmi.
Gerð Norðausturvegar frá Hringvegi (Háreksstaðaleið) að Brunahvammshálsi á Vopnafjarðarheiði á um
8,2 km kafla.
Helstu magntölur: fyllingar 160.000 m3, bergskeringar 17.000 m3, stálröraræsi 460 m, stálplöturæsi
35 m, neðra burðarlag 48.000 m3, efra burðarlag 9.000 m3, klæðing 39.000 m2.
Verki skal að fullu lokið fyrir 15. október 2001.

Bjóðandi                             Tilboðsupphæð       hlutfall af kostnaðaráætlun         Frávik frá lægsta tilboði

BJ vinnuvélar, Þórshöfn       220.078.800             187,6                                      146.509
Suðurverk hf., Reykjavík       133.112.300              113,5                                        59.543
Kostnaðaráætlun Vg.           117.303.355              100,0                                       43.734
Fjörður sf., Sauðárkróki         114.526.840                97,6                                       40.957
Iðufell ehf., Raufarhöfn        106.067.150                90,4                                       32.498
Klæðning ehf., Garðabæ       99.740.000                 85,0                                      26.170
ÍSAR efh., Hafnarfirði             85.315.500                72,7                                       11.746
Vildarverk ehf., Árbakka          83.333.333                71,0                                         9.764
Myllan ehf., Egilsstöðum        79.642.000                67,9                                         6.072
Héraðsverk ehf., Egilsstöðum  79.421.066                67,7                                         5.852
Arnarfell ehf., Akureyri            73.569.500                62,7                                                0

BB  25. september 2000 Viðsjárverður þjóðvegur milli Ísafjarðar og Súðavíkur
Óskað eftir fjármagni vegna nauðsynlegra öryggismannvirkja
– kostnaður við jarðgöng verði einnig kannaður
Frá björgunarstörfum á þjóðveginum um Súðavíkurhlíð fyrir fáum árum. 
Fjórðungsþing Vestfirðinga sem haldið var um helgina beinir því til samgönguráðherra, að tryggja fjármagn og hefja nú þegar forathugun og hönnun á nauðsynlegum öryggismannvirkjum á og við þjóðveginn milli Ísafjarðar og Súðavíkur. Reynslan sýnir að vegurinn um Kirkjubólshlíð og Súðavíkurhlíð er mjög viðsjárverður vegna grjóthruns og snjóflóða.
Í ályktun þingsins segir m.a.: „Í slíkri athugun verði leitast við að nálgast sem best kostnað við nauðsynleg öryggismannvirki svo sem vegskála, gerð vegskápa, varnir til að hindra grjóthrun, lýsingu á veginum og aðrar lagfæringar, sem þarf til að tryggja öryggi og samgöngur á leiðinni. Þá verði einnig gerð athugun á möguleikum þess að bora jarðgöng á þessari leið og kostnaður við þessar aðgerðir borinn saman.“ 
Fjórðungsþing Vestfirðinga er ársfundur Fjórðungssambands Vestfirðinga, en sambandið er bandalag sveitarfélaga á Vestfjörðum. 

Textavarp, 20. sept. 2000 
Fundað um Óshlíð
Samgönguráðherra, Sturla Böðvarsson, fundaði í gær með bæjarstjórnarmönnum í Bolungarvík þar sem þeir lýstu áhyggjum
 sínum af Óshlíðarvegi en nokkur uggur  hefur gert vart við sig eftir að margir  bæjarbúar urðu vitni að grjóthruni úr
 hlíðinni þann 27. ágúst. 

Vísir,  19. sep. 2000
Flugi frá Akureyri hætt 
Flugfélag Íslands hefur ákveðið að hætta flugi frá Akureyri 1. október. Flugfélagið mun einungis halda áfram að fjúga til Grímseyjar vegna samnings Flugfélags Íslands við Samgönguráðuneytið. RÚV greindi frá. 
Það flug er að hluta til styrkt samkvæmt útboði sem var gert fyrr á þessu ári. Það flug sem fellur niður er frá Akureyri til Þórshafnar, Vopnafjarðar, Ísafjarðar og Egilsstaða. Framkvæmdastjóri Flugfélagsins sagði í samtali við fréttastofu RÚV rekstrarleg sjónarmið ráða því að þessi ákvörðun hefði verið tekin. 

.
Framkvæmdafréttir Vegagerðarinnar 17. apríl  2000
54,7% af kostnaðaráætlun eða 185 m.kr. undir 
12 af 13 tilboðum við lagningu Vatnheiðarvegar, sem er 16,3 km, undir áætlun. 
Niðurstöður útboða Vegagerðarinnar
Vatnaheiðarvegur (56), Ólafsvíkurvegur ? Snæfellsnesvegur  99-026
Tilboð opnuð 17. apríl 2000. Vesturlandsumdæmi. Nýbygging Vatnaheiðarvegar, lengd 16,3 km,frá Ólafsvíkurvegi að Snæfellsnesvegi.
Helstu magntölur: skeringar 299.000 m3, þar af bergskeringar 63.800 m3, fyllingar 405.500 m3, burðarlög 107.000 m3, klæðingar 102.000 m2, ræsalögn 1.425 m, frágangur fláa 318.000 m2, vegrið 880 m.
Verki skal að fullu lokið 15. október 2001.

Bjóðandi                                                     Tilboðsupphæð       Hlutfall af kostnaðaráætlun         Frávik frá lægsta tilboði
Ræktunarsamband Flóa og Skeiða ehf.           380.000.000         106,7                                        185.316
Kostnaðaráætlun Vg.                                       356.167.000         100,0                                        161.483
Borgarverk ehf., Borgarnesi                              291.422.600           81,8                                          96.738
Arnarfell ehf., Akureyri                                     283.604.589           79,6                                          88.920
Völur hf., Reykjavík                                          279.248.100           78,4                                          84.564
Klæðning ehf., Garðabæ                                 262.980.000           73,8                                          68.296
Ístak hf., Reykjavík                                            261.528.398           73,4                                          66.844
Ingileifur Jónsson ehf., Svínavatni                   255.279.700           71,7                                          60.595
Héraðsverk ehf., Egilsstöðum                           242.366.425            68,0                                         47.682
Miðvangur ehf., Reykjavík                                239.184.150           67,2                                          44.500
Hjarðarnesbræður ehf., Hornafirði                    226.903.660           63,7                                          32.219
Vöruflutningar L.G. ehf., Borgarnesi                216.715.990           60,8                                          22.032
Norðurtak ehf., Sauðárkróki                              195.406.000           54,9                                               722
Suðurverk hf., Reykjavík                                   194.684.340           54,7                                                   0

Sjá til fróðleiks ýtarlega skýrslu um mat á umhverfisáhrifum Vatnaheiðarvegar auk ýnissma  almennra upplýsinga um framkvæmdina o.fl. hér 

BB 12. apríl 2000
Sveitarfélög í Barðastrandarsýslu og Dalasýslu
Uppbyggður Vestfjarðavegur forsenda byggðar
– segir í ákalli sveitarfélaganna til samgönguráðherra og Alþingis

Sveitarfélögin í Barðastrandarsýslu og Dalasýslu, Vesturbyggð, Tálknafjarðarhreppur, Reykhólahreppur, Dalabyggð og Saurbæjarhreppur, hafa sent ákall til samgönguráðherra og Alþingis þar sem sagt er að uppbyggður Vestfjarðavegur sem heilsársvegur sé forsenda þess að framtíð sveitarfélaganna verði tryggð.

,,Í heild sinni hafa þessi sveitarfélög verið skilgreind sem jaðarsvæði, byggðir sem eiga verulega undir högg að sækja. Byggðaþróunin undanfarin ár hefur verið mjög neikvæð, íbúum hefur fækkað verulega og atvinnustarfsemi er mjög einsleit. Þrátt fyrir þetta er sóknarhugur í íbúunum og fullur vilji til að snúa þessari þróun við. Sóknarfæri eru all mörg, ekki síst í ferðaþjónustu, en einnig í hinum hefðbundnu atvinnugreinum sem fyrir eru. 

Það er grundvallaratriði, og forsenda þess að þessi sveitarfélög geti snúið vörn í sókn, að ríkisvaldið búi þeim sömu skilyrði til þess að hjálpa sér sjálf og flestum öðrum sveitarfélögum eru búin. Traustar samgöngur eru hornsteinn allra framfara. Vestfjarðavegur uppbyggður sem heilsárs vegur er forsenda þess að framtíð sveitarfélaganna verði tryggð,” segir m.a. í ákallinu. 

Þar segir einnig að brýnustu skrefin sem stíga þurfi séu að vorið 2000 verði vegur um Bröttubrekku, um 11,5 km., boðinn út í einu lagi, vorið 2001 verði vegur um Klettsháls, frá Vattarnesi að Múla í Kollafirði, 22-25 km., boðinn út í einu lagi, haustið 2000 verði Vestfjarðavegur milli Brjánslækjar í Vesturbyggð og Bjarkalundar í Reykhólahreppi settur á snjómokstursáætlun þrjá daga í viku og árin 2000-2002 verði unnið að rannsóknum á mögulegum vegstæðum frá Skálanesi að gatnamótum Vestfjarðavegar og Reykhólasveitarvegar, þ.m.t. jarðgöngum undir Þorskafjörð, með það fyrir augum að bjóða leiðina í heild sinni út vorið 2003. 
Sjá allt ákallið hér:

BB 12. apríl 2000
Póstflutningar milli Ísafjarðar og Staðarskála 
Sigurður Ólafsson á Ísafirði átti lægsta tilboð
- tæplega 35 milljóna króna mismunur á hæsta og lægsta tilboði 
Sigurður Ólafsson á Ísafirði átti lægsta tilboð í póstflutninga á leiðinni Ísafjörður-Staðarskáli í Hrútafirði-Ísafjörður en tilboð í þjónustuútboðið voru opnuð í dag hjá Ríkiskaupum. Tilboð Sigurðar hljóðaði upp á kr. 45.790.500.- fyrir fjögurra ára samning, sem er 34,9 milljóna lægri fjárhæð en í hæsta tilboðinu.
Átta aðilar buðu í flutningana auk Sigurðar. Eimskip Innanlands hf. bauð kr. 56.574.000.-, Landakstur ehf., sem er í eigu Ólafs Rúnars Sigurðssonar á Ísafirði bauð kr. 57.624.000.-, Hannes Kristjánsson á Ísafirði bauð kr. 61.054.000.-, Björn Finnbogason á Ísafirði bauð kr. 62.678.000.-, Vesturfrakt ehf., á Ísafirði bauð kr. 63.798.000.-, Allrahanda hf., í Reykjavík bauð kr. 67.228.000.-, Sigurlaugur Baldursson á Ísafirði bauð kr. 72.681.700.- og Jón Halldórsson á Hólmavík bauð kr. 80.707.900.
Í útboðinu er gert ráð fyrir fimm ferðum á viku milli staðanna tveggja sem svarar til um 700 kílómetra aksturs í hverri ferð. Auk framangreindra staða er stoppað í Súðavík og á Hólmavík til að taka við og afhenda póst.

04.00
Framkvæmdafréttir Vegagerðarinnar 11. apríl 2000
112 m.kr. undir kostnaðaráætlun eða 62,2%.
Öll 10 tilboð við lagningu 12 km vegarkafla um Þverárfjall milli Sauðárkróks og Skagastrandar undir áætlun. 
Niðurstöður útboða Vegagerðarinnar á Vestfjörðum
Þverárfjallsvegur (744), Þverá ? Skagavegur 2000 - 2003  99-099
Tilboð opnuð 10. apríl 2000. Norðurlandsumdæmi vestra. 12 km löng nýbygging á
Þverárfjallsvegi frá Þverá að Skagavegi.
Helstu magntölur: fyllingar og fláar 430.000 m3, burðarlög 73.000 m3, bergskeringar 60.000 m3, ræsalögn 1.130 m, klæðing 73.000 m2, frágangur fláa 375.000 m2.
Verki skal að fullu lokið 15. september 2002.

Bjóðandi                                Tilboðsupphæð  Hlutfall af kostnaðaráætlun    Frávik frá lægsta tilboði
Kostnaðaráætlun Vg.              297.350.000    100,0                                       112.508
Borgarverk ehf., Borgarnesi     275.200.000      92,6                                         90.358
Völur hf., Reykjavík                 254.977.000      85,7                                         70.135
G. Hjálmarsson hf., Akureyri    240.000.000      80,7                                        55.158
Miðvangur ehf., Reykjavík       221.738.400      74,6                                        36.896
Klæðning ehf., Garðabæ        218.189.500      73,4                                        33.347
Fjörður sf., Sauðárkróki            211.651.600      71,2                                        26.809
Héraðsverk ehf., Egilsstöðum  208.836.058      70,2                                         23.994
Arnarfell ehf., Akureyri            197.051.900      66,3                                        12.209
Norðurtak ehf., Sauðárkróki     195.125.250      65,6                                        10.283
Suðurverk hf., Reykjavík          184.842.450      62,2                                                 0

Bæjarins besta  29. mars 2000 Netspurningin     Spurt var:
Ertu hlyntur því að vegaframkvæmdum á Vestfjörðum verði flýtt með töku sérstakra vegtolla ?
Alls svöruðu 348.
Já sögðu 155 eða 44,54%
Nei sögðu 176 eða 50,57%
Hlutlausir voru 17 eða 4,89%

Framkvæmdafréttir Vegagerðarinnar 28. mars 2000
Niðurstöður útboða Vegagerðarinnar á Vestfjörðum
Djúpvegur (61), um Staðardal og Steingrímsfjarðarheiði  00-007
Tilboð opnuð 27. mars 2000. Vestfjarðaumdæmi. Endurbygging Djúpvegar í Staðardal frá
slitlagsenda að Kleppustöðum og á Steingrímsfjarðarheiði frá Norðdalsbrún að
Þorskafjarðarvegi.
Helstu magntölur: heildarlengd kaflanna er um 6,5 km, fyllingar 3.400 m3, neðra burðarlag
6.600 m3 og efra burðarlag 7.300 m3.
Verki skal að fullu lokið 1. október 2000.

Bjóðandi                      Tilboðsupphæð   Hlutfall af kostnaðaráætlun  Frávik frá lægsta tilboði
Fylling ehf., Hólmavík   17.653.875         123,0                                     2.007
Græðir sf., Flateyri        15.646.550         109,0                                            0
Kostnaðaráætlun Vg.    14.355.100         100,0                                    -1.291

BB  23. mars 2000
Taprekstur hjá FÍ á einstökum leiðum 
Hyggst hætta flugi milli Ísafjarðar og Akureyrar 
– taprekstur miðað við núverandi forsendur 
   Flugfélag Íslands hf. hefur tilkynnt samgönguráðuneytinu, að félagið hyggist hætta áætlunarflugi milli Ísafjarðar og Akureyrar og á fleiri leiðum innanlands 1. júlí í sumar. Þetta kom fram í máli samgönguráðherra á Alþingi í gær.
   Samkvæmt upplýsingum frá Flugfélagi Íslands hf. hafa farþegar á flugleiðinni milli Ísafjarðar og Akureyrar verið um 3.500 á ári á undanförnum árum. Farnar hafa verið fjórar ferðir yfir veturinn og sex ferðir yfir sumarið og miðað við þessar forsendur er taprekstur óhjákvæmilegur á þessari flugleið. 
   Félagið mun vera reiðubúið að endurskoða afstöðu sína ef til koma einhverjar jöfunaraðgerðir eða styrkir, þannig að hægt verði að stunda þetta flug án þess að tapa á því. 

Vegur  28. febrúar 2000
  Íslandsflug degur úr starfsemi innanlands
    - Engin samkeppni lengur í áætlunarflugi
Stjórn Íslandsflug hefur ákveðið að hætta áætlunarflugi til Akureyrar, Egilsstaða og Vestmannaeyja frá og með 1.apríl.  Við það verður engin samkeppni í innanlandsflugi sem komst á 1. júlí 1997.  Enn verður flogið til Sauðárkróks, Siglufjarðar, Bíldudals og Gjögurs. Afgreiðsla og farmiðasala fer í gegnum Flugfélag Íslands. Flugfélag Íslands hefur leigt ATR-42 vélar félagsins og mun nota þær við Grænlandsflug, fraktflug og til að auka sætaframboð á ákveðnum leiðum. Íslandsflug mun einbeita sér að þoturekstri í framtíðinni en félagið gerir út þrjár Boeing 737 þotur. Félagið mun vegna þessa segja upp 32 starfsmönnum en það nemur um 20% starfsmanna fyrirtækisins.

Vegur 17. febrúar 2000
  Jarðgangaáætlun lögð fram á Alþingi
 - Göng milli Siglufjarðar og Ólafsfjarðar og Fáskrúðsfjarðar og Reyðafjarðar fyrst. (X)
    Fjölmargir gangamöguleikar víðs vegar um landið kynntir, m.a. nokkrir á Vestfjörðum.

Vísir  sun. 6. feb. 18:46
  Næstu göng fyrir norðan?
Margt bendir til þess að göng milli Siglufjarðar og Ólafsfjarðar verði efst á blaði í langtímaáætlunum um jarðgangagerð sem Vegagerðin skilar á næstu dögum til samgönguráðherra. Ríkisstjórnin fjallar um málið um næstu viku. RÚV greindi frá. 

Vísir  fös. 4. feb. 19:53
   Hvalfjarðargöngin græða meira
Hvalfjarðargöngin hafa reynst mun meira gróðafyrirtæki en búist var við. Þegar samið var um göngin var í forsendum útreikninga að 1450 bílar myndu aka í gegnum göngin að jafnaði. Í dag aka hins vegar tvöfalt fleiri bílar um göngin eða um 2800 bílar á sólarhring. Forsvarsmenn Spalar viðurkenna að spárnar hafi viljandi verið hafðar varkárar en aukningin skýrist einnig af fjölgun bíla í góðærinu og því að fleiri ökumenn kjósa að aka um göngin en spáð var fyrir og borga fyrir, heldur en að aka fyrir fjörðinn. Nú stefnir í að ríkið eignist göngin 5-7 árum fyrr en áætlað var. Stöð 2 greindi frá. Þessi aukning um göngin gaf færi á verðlækkun um göngin síðastliðið haust. Fyrir lækkun var verðgjald á bíl 820 krónur, en eftir lækkun 640 krónur. Ekki má búast við frekari lækkun, því fyrirtækið Spölur þarf að borga tekjuskatt af göngunum 4-5 árum fyrr en áætlað var. Afborganir lána ganga einnig mun hraðar en áður var áætlað og er nú þegar búið að greiða niður fjórðung lífeyrissjóða sem áttu að vera afborgunarlaus fyrstu árin. Nú stefnir í að veggjaldið verði búið að borga göngin árið 2015, en það þýðir að ríkið eignast göngin mun fyrr en áður var áætlað.

BB  23. jan   Einkaframtakið á ferðinni
   Dynjandisheiði opnuð í gær
     - a.m.k. jeppafært milli norður- og suðursvæðis Vestfjarða
Dynjandisheiði varð að minnsta kosti jeppafær í gær, þökk sé einkaframtakinu. Jón póstur Þórðarson á Bíldudal fór ásamt öðrum manni yfir heiðina á dráttarvél með tönn og mokaði það sem þurfti. „Já, það er rétt að við Árni Erlingsson fórum yfir. Við þurftum að koma vörubíl með varning að Laugabóli og það var ekkert annað að gera fyrir okkur en að opna heiðina. Það var reyndar svo lítið að það var hægur vandi“, sagði Jón póstur.   „Ég get svo sem ekki verið að gefa út að heiðin sé fær hverjum sem er, maður getur ekki tekið neina ábyrgð á slíku, en mér er óhætt að fullyrða að hún er leikandi jeppafær.  Þetta var einfalt mál“, sagði Jón og hló við. Hrafnseyrarheiði var rudd fyrir viku. Því er nú að minnsta kosti jeppafært á milli norðursvæðis og suðursvæðis Vestfjarða.

Visir  20. jan. 07:17
   Vilja jarðgöng undir Hellisheiði eystri
Hreppsnefnd Vopnafjarðarhrepps hefur samþykkt að fela sveitarstjóra, Þorsteini Steinssyni, að senda Raufarhöfn, Svalbarðshreppi, Þórshöfn,Skeggjastaðahreppi, Borgarfjarðarhreppi og Norður-Héraði áskorun um stuðning við það að grafin verði jarðgöng undir Hellisheiði eystri. Frá Vopnafirði um Hellisheiði til Egilsstaða eru 92 km, en 173 km ef farið er um Möðrudal, en báðar leiðirnar teppast oft yfir vetrartímann. Hugmyndin er að Vopnafjörður gæti sinnt því hlutverki að vissu marki að vera þjónustu- og verslunarmiðstöð þessa svæðis, en hugmyndir hafa einnig verið á lofti, og lítillega ræddar, að sameina Þórshöfn, Skeggjastaðahrepp og Vopnafjörð. Undirskriftarlistar munu fara frá hreppsskrifstofunni á Vopnafirði á næstu dögum þar sem íbúunum verður gefinn kostur á að skrifa undir áskorun um byggingu jarðganga undir Hellisheiði. 

Morgunblaðið  | AP | 13. jan ´00 14:39
   Bíllinn fallinn til hraðaksturs
Norðmenn eru hneykslaðir eftir að dómari fann manni, sem ekið hafði of hratt, það til málsbóta að hann ætti öflugan og góðan bíl.
Fritz Hjelmeland, auðugur kaupsýslumaður á sjötugsaldri, var stöðvaður af lögreglu á 141 km hraða nálægt Álasundi á vegi þar sem hámarkshraðinn er 80 km. Samkvæmt umferðarlögum Noregs varðar þetta brot fangelsisvist og sektum og saksóknari krafðist þess að Hjelmeland yrði dæmdur í 3 vikna fangelsi.
Héraðsdómari dæmdi Hjelmeland hins vegar í skilorðsbundið fangelsi og jafnvirði 90 þúsund króna sekt, m.a. á þeirri forsendu að farartækið hefði verið 350 hestafla Mercedes 500 SE.
„Ökumaðurinn var reyndur og ók bíl sem lætur vel að stjórn á miklum hraða," segir í dómnum.
Johannes Mehammer deildarstjóri norsku umferðarlögreglunnar sagði að dómurinn væri vítaverður. „Ég sætti mig ekki við að slegið sé af refsingu manns, einungis vegna þess að hann ekur fínum bíl," hafði blaðið Verdens Gang eftir honum.
VG sagði að Hjelmeland myndi ekki verða gjaldþrota vegna sektarinnar. Skattskyldar tekjur hans námu jafnvirði 650 milljóna íslenskra króna í fyrra.

Bæjarins besta  12. jan   Flugleiðin milli Bíldudals og Ísafjarðar
   Íslandsflug flýgur þrisvar í viku
Ríkiskaup f.h. samgönguráðuneytisins hafa samið við Íslandsflug um að félagið annist áætlunarflug milli Ísafjarðar og Bíldudals næstu mánuði, eða frá 18. janúar til 7. maí í vor. Flug þetta var boðið út og sendu þrjú félög inn tilboð, sem opnuð voru í byrjun ársins.
Samkvæmt samningnum verður flogið milli þessara staða þrisvar í viku, á þriðjudögum, miðvikudögum og fimmtudögum kl. 10.30 frá Bíldudal og kl. 11.00 frá Ísafirði. Bókanir eru hjá umboði Íslandsflugs á Bíldudal.
Til þessa flugs mun Íslandsflug nota vél af gerðinni Dornier 228, sem er þýsk tveggja hreyfla skrúfuþota og tekur 19 farþega. Félagið á þrjár vélar af þessari gerð en þær eru háþekjur og henta vel fyrir stuttar flugbrautir og fjarðalandslag
Lægsta tilboðið var frá Íslandsflugi, kr. 1.430.000. Mýflug hf. bauð kr. 1.920.000 og Flugfélagið Jórvík hf. kr. 2.550 þúsund. Fyrir hverja aukalendingu á Patreksfjarðarflugvelli þegar ófært er landleiðina milli Bíldudals og Patreksfjarðar bauð Íslandsflug kr. 10 þúsund en hin félögin kr. 15 þúsund hvort.
Frávikstilboð barst frá Flugfélaginu Jórvík, þar sem miðað var við Patreksfjarðarflugvöll í stað Bíldudalsflugvallar og hljóðaði það upp á kr. 1.780 þúsund.

Bæjarins besta  11. jan    Hf. Djúpbáturinn
   Félaginu slitið –  og Fagranesi skilað til ríkissjóðs
Stjórn Hf. Djúpbátsins á Ísafirði hefur boðað til hluthafafundar sem fram á að fara á Hótel Ísafirði föstudaginn 21. janúar nk. þar sem m.a. verður gengið frá slitum á félaginu.  Samkvæmt fundarboði er einnig gert ráð fyrir að hluthafar í félaginu skrifi undir afsal vegna m/s Fagraness til ríkissjóðs.

 Bæjarins besta   4. janúar 2000    Tillaga til þingsályktunar um flugmálaáætlun árin 2000-2003
   Möguleikar kannaðir á næturflugi til Ísafjarðar
Ef athuganir gefa jákvæða niðurstöðu er ráðgert að ráðast í framkvæmdir á Ísafjarðarflugvelli til að gera næturflug til Ísafjarðar mögulegt samkvæmt tillögu til þingsályktunar um flugmálaáætlun fyrir árin 2000-2003, sem Sturla Böðvarsson samgönguráðherra lagði fram á Alþingi á síðasta starfsdegi fyrir jólafrí.
Flugmálaáætlunin gerir ráð fyrir því að kannaðir verði möguleikar til næturflugs til Ísafjarðar í samvinnu við flugrekendur, en staðan í dag er sú á Ísafjarðarflugvelli að einungis eru leyfðar lendingar við sjónflugsskilyrði vegna hindrana í umhverfinu. Gefi þessar athuganir jákvæða niðurstöðu er ráðgert að ráðast í framkvæmdir á árunum 2001, 2002 og 2003, en heildarkostnaður við framkvæmdirnar er 75 milljónir króna. 
Samkvæmt flugmálaáætlun er ráðgert að verja 13 milljónum króna á þessu ári í flugbraut og hlað á Ísafjarðarflugvelli. Á Bíldudalsflugvelli er ráðgert að verja 10 milljónum króna í ár í flugbraut og hlað og 15 milljónum í byggingar á árinu 2003. 
Þá er gert ráð fyrir 2 milljónum í byggingar á flugvellinum á Gjögri í ár, 0,5 milljón árið 2002 og 1,5 milljón króna árið 2003.

Sjá tillögu til þingsályktunar um flugmálaáætlun árin 2000–2003 (X)

Bæjarins besta  4. janúar 2000   Niðurstaða fengin í málefnum Hf. Djúpbátsins
   Fagranesið slegið af
– fjárveiting samþykkt til greiðslu á lausaskuldum en ríkið tekur skipið
Djúpbáturinn Fagranes mun ekki taka upp ferjusiglingar um Ísafjarðardjúp á ný. Þetta er ákveðið og frágengið enda þótt formlega verði málið ekki afgreitt fyrr en á hluthafafundi Hf. Djúpbátsins sem væntanlega verður haldinn innan nokkurra vikna.
Á fjáraukalögum fyrir síðasta ár, sem afgreidd voru á Alþingi í síðasta mánuði, var samþykkt fjárveiting til Hf. Djúpbátsins að upphæð tæpar 23 milljónir króna til þess að gera upp lausaskuldir félagsins. Fjárveitingin var bundin því skilyrði að ferjurekstri verði ekki haldið áfram. Hluthafafundur í fyrirtækinu þarf að samþykkja þessa tilhögun til þess að af henni verði. Ljóst er að fundurinn mun gera það, því að nú þegar liggur fyrir samþykki Ísafjarðarbæjar, sem á hreinan meirihluta eða 55% í Hf. Djúpbátnum. Síðan mun ríkissjóður taka við skipinu og ráðstafa því eftir því sem henta þykir. 
Að sögn Kristins Jóns Jónssonar, stjórnarformanns Hf. Djúpbátsins, er stefnt að því að fyrirhugaður hluthafafundur verði jafnframt aðalfundur félagsins fyrir síðasta ár. „Við reynum að koma ársreikningnum inn á fundinn til þess að ekki þurfi að halda fleiri“, sagði Kristinn Jón. . 

Vísir, 9. des 
   Slegist um verkefni í vegagerð
Verktakar slást hart um verkefni í vegagerð og hafa tilboð verið langt undir kostnaðarverði að undanförnu.  Þetta er talið merki um að ekki sé þensla í þessum hluta byggingageirans.  Bylgjan greindi frá.
Það mætti halda að verkefnaskortur væri í vegagerð þar sem verktakarnir bjóða vel undir kostnaðarverði til að fá verkefnin.  Vegagerðin sparar stórfé á þessari barátttu verktakanna.  Sem dæmi má nefna að fyrr í vikunni voru opnuð tilboð í Ólafsvíkurveg.  Kostnaðaráætlun var 198 milljónir kr. en lægsta tilboð kom frá klæðningu í Garðabæ og var 128 milljónir eða 65 % af áætlun.  Kostnaðaráætlun á kafla af Borgarfjarðarbraut var 220 milljónir, lægsta tilboð135 milljónir frá Ingileifi Jónssyni sem er 61 % af áætlun.  Kostnaðaráætlun kafla af Bröttubrekku var 80 milljónir en lægsta boð 49 milljónir og svona mætti lengi telja.

Vegamálastjóri Helgi Hallgrímsson segir að þetta styðji það sem jarðverktakarnir hafi haldið fram lengi að þrátt fyrir stórframkvæmdir í landinu þá sé ekki þensla í þessum hluta byggingariðnaðarins.  Vegamálstjóri segir að aukin afkastageta geirans geti einnig skýrt lág tilboð.