|
|
|
Við gerð jarðganganna undir Breiðadals- og Botnsheiðar var notast við eftirfarandi aðferð, sem er mjög áþekk aðferð og notuð er við gerða annarra jarðganga hér á landi : Til verksins var notaður sérhannaður borvagn með þremur vökvaknúnum borörmum og einum körfuarmi til hleðslu sprengiefnis o.fl. Boraðar voru láréttar holur (um 100 talsins í tvíbreiðu þversniði og 70 í einbreiðu) inn í bergið í enda ganganna, sem kallaður er stafn, sprengiefni komið fyrir og síðan sprengt. Göngin lengjast þá um tæpa 4,5 m. Síðan er hreinsað laust grjót úr lofti og veggjum, efninu mokað á bíla og það flutt út. Ef berg er það lélegt að hætta er á hruni, þarf að styrkja það til bráðabirgða, einkum með sprautusteypu, til að auka öryggi starfsmanna. Þetta er kölluð vinnustyrking. Síðan eru boraðir og sprengdir næstu 4-5 m og svo koll af kolli. Ef allt gengur vel tekur hver vinnuhringur 6-10 klst.,en getur tekið mun lengri tíma. Reiknað er með að göngin lengist um 50-70 m á viku að meðaltali Auk framangreindra styrkinga þarf að styrkja bergið enn frekar síðar, til að tryggja öryggi í göngunum til frambúðar. Styrkingar felast í því að sprauta þunnri steypu á bergið, oft um 5 cm þykku lagi sem stundum er styrkt með íblöndun stáltrefja og/eða bora fyrir 3-4 m löngum bergboltum sem binda bergið saman. Þar sem berg er mjög lélegt getur þurft að steypa inn í göngin með mótum. Við sjálfa gangagerðina starfa um 25 manns. Þegar unnið er að vegagerð og uppsteypu forskála að sumri til eru starfsmenn mun fleiri.
Molar um Hvalfjarðargöng 1) Byrjað var að sprengja norðanmegin 30. maí 1996 og sunnanmegin 18. júní 1996. Hinn 3. október 1997 var síðasta haftið sprengt og hófst þá vinna við lokaáfangann. Framkvæmdir gengu hraðar og betur en bjarsýnustu menn höfðu þorað að vona og göngin voru tekin í notkun átta mánuðum á undan áætlun eða rétt rúmum tveimur árum eftir að vinna við þau hófst. Hvalfjarðargöng eru 5.764 m að vegskálum meðtöldum þar af eru 3.750 metrar undir sjó. Göngin kostuðu 4,9 miljarða króna eða kr. 850.104,oo hver metri. Bormenn Fossvirkis sprengdu mest 512 metra í einum mánuði í apríl 1997 eða um 17 metra á dag. . |
|||
| 1) Stuðst er við bæklinginn Göngin undir Hvalfjörð, útg. Spölur ehf. í ágúst 1999 | |||
|
Spölur hf. er kominn með veglega vefsíðu ( spolur.is ) þar sem finna má ýmsa fróðleik um Hvalfjarðargöngin o.fl. |
Til baka |
Upp |
|
|
| Gestabók - Póstur |
Uppfært 14.05.2002
