| Leiðin
um Ísafjarðardjúp og Steingrímsfjarðarheiði
og um Strandir er sú leið sem mest er ekin frá Ísafirði
til Suðvesturlands í dag og eina leiðin frá norðanverðum
Vestfjörðum, sem haldið er opinni yfir veturinn enda fæstir
fjallvegir á henni af þeim leiðum sem í boði
eru (sjá snjómokstur (X).
Á þessari leið á eftir að leggja slitlag á
um 140 km, þar af 50 km Ströndum. Ekki eru miklir möguleikar
á styttingu á þessari leið, nema e.t.v. með
fyllingu og brú yfir Mjóafjörð í Ísafjarðardjúpi
um Hrútey og í Vatnsfjörð, í stað þess
að fara yfir Eyrarfjall. Sú framkvæmd lengdi núverandi
sumarleið um 4 til 8 km eftir því hvar vegur yrði
lagður að væntanlegri brú, en stytti vetrarleiðina
um u.þ.b. 30 km. (Sjá skýrslu Vegagerðarinnar
(X) um forathugun
á leiðavali um Ísafjörð, Vatnsfjörð
og Eyrarfjall. Þá er möguleiki, að vísu
nokkuð fjarlægur, að fara yfir Kollafjörð á
Ströndum um 2 km leið á milli Kollafjarðarness og Broddaness,
sem stytti leiðina þar um 10,6 km. |
 |
